Tíu mínútum síðar var annar maður handtekinn, grunaður um vörslu fíkniefna. Við húsleit fannst meira magn fíkniefna. Málið var afgreitt með skýrslutöku að húsleit lokinni. Um klukkan 21 rannsakaði lögreglan mál er snýst um sölu og dreifingu fíkniefna. Húsleit var framkvæmd í þágu rannsóknar málsins sem er enn í rannsókn.
Tveir ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna. Annar þeirra reyndist vera sviptur ökuréttindum.
Lögregla og sjúkralið sinntu tveimur málum í vesturhluta höfuðborgarinnar þar sem slys höfðu orðið. Í öðru meiddist maður á fæti en í hinu á höfði. Báðir voru fluttir á bráðadeild.
Um klukkan hálf fjögur var tilkynnt um grunsamlegar mannaferðir í vesturhluta borgarinnar. Þar reyndist blaðberi vera á ferð við að koma blöðum í hús.
Bílvelta varð á sunnanverðu varðsvæðinu um klukkan 19.30. Tveir voru í bifreiðinni og meiddust þeir lítillega. Annað umferðaróhapp varð á þessu varðsvæði klukkan 20.49. Einn slasaðist lítillega. Grunur leikur á að biðskylda hafi ekki verið virt og að rúður annars ökutækisins hafi verið illa hreinsaðar.
