Netverjar klóra sér í höfðinu og eru ósammála um nýja sjónhverfingu sem hefur vakið mikla athygli á Twitter.
Litirnir í hringjunum eru sífellt að breytast og örvarnar inni í þeim líka. En spurningin er, eru hringirnir sjálfir að færast til hliðar eða ekki?
なんと動いてません#ド直球に言いますがフォローしてください pic.twitter.com/qthgo7k2UN
— じゃがりきん (@jagarikin) April 21, 2021
Netverjar eru ekki á einu máli og hafa viðrað ýmsar kenningar á Twitter. Sumir eru handvissir um að hringirnir séu á sínum stað og örvarnar séu það sem eru að plata heilann til að halda að hringirnir séu á ferð. Aðrir segja hringina vera á ferð.
„Hringirnir eru ekki að hreyfast og það eru ekki örvarnar sem eru að plata mann heldur eru það litirnir. Ef þú tekur skjáskot af hringjunum, hvenær sem er, þá sérðu að þeir hreyfast ekkert nema í hringi,“ segir einn netverji.
Annar netverji segir litina ekki orsaka sjónhverfinguna því þetta gerist líka þegar hringirnir eru svarthvítir.
„Ég sé hvað er í gangi. Hringirnir eru ekki hringlaga allan tíman heldur fletjast þeir út í sporbaug með fram lárétta og lóðrétta ásnum og skapa þannig tálsýn um hreyfingu,“ segir einn netverji.
Hvað finnst þér, eru hringirnir að færast til hliðar eða ekki?
