Erling Braut Haaland var aftur á skotskónum í dag er Dortmund skaut sér á topp þýsku úrvalsdeildarinnar með sigri á FSV Mainz.
Marco Reus kom heimamönnum í Dortmund yfir eftir aðeins þriggja mínútna leik. Þetta var eina markið í fyrri hálfleik og staðan 1-0 þegar gengið var til búningsherbergja.
Dortmund fékk víti á 54. mínnútu og Erling Halaand fór á punktinn og skoraði sitt 12 mark í 9 leikjum á tímabilinu. Hreint út sagt ótrúlegur árangur en Norðmaðurinn hefur þar að auki gefið fjórar stoðsendingar.
Jonathan Burkardt minnkaði muninn fyrir Mainz þegar þrjár mínútur voru eftir af venjulegum leiktíma en Erling Haaland skoraði sitt annað mark í leiknum í uppbótartíma og lokatölur 3-1 Dortmund í vil.
Dortmund situr á toppnum með 18 stig eftir 8 leiki, tveimur stigum á eftir Bayern Munchen, Bayer Leverkusen og SC Freiburg en þau tvö fyrrnefndu eiga leik til góða.
Úrslit dagsins:
Borussia Dortmund 3 – 1 Mainz
Eintracht Frankfurt 1 – 2 Hertha BSC
FC Union Berlin 2 – 0 Wolfsburg
SC Freiburg 1 – 1 RB Leipzig
SpVgg Greuter Furth 0 – 1 VfL Bochum 1848
