Leikkonan Ilmur Kristjánsdóttir leikkona er flestum kunn. Hún hefur einnig starfað í pólitík og var varaborgarfulltrúi Bjartrar framtíðar í eitt kjörtímabil. Ást á pólitík og kvikmyndagerð virðist ganga í fjölskyldunni. Systir hennar, Lísa Kristjánsdóttir, hefur einnig starfað við leikstörf en þó hinum megin við myndavélina sem leikstjóri, og í stjórnmálum sem aðstoðarmaður ráðherra. Fyrst heilbrigðisráðherra 2009-2010 og nú sem aðstoðarmaður forsætisráðherra.

Þetta er ekki það eina sem systurnar eiga sameiginlegt en þær eiga afmæli með aðeins dags millibili, 18. og 19. mars. Systurnar eiga svo bróðurinn Sverri Kristjánsson sem er fær kvikmyndaklippari og klippti meðal annars Dagvaktina sem Ilmur lék í og Lísa var aðstoðarleikstjóri í.