Heimir Hallgrímsson þjálfari Al-Arabi verður ekki með liðinu í næstu leikjum eftir að hafa greinst með COVID-19 veiruna.

Al-Arabi segir frá þessi á Twitter. „Hann verður ekki með á næstunni, við óskum þjálfara okkar bata,“ sagði á Twitter síðu Al-arabi.

Aðstoðarmenn Heimis, Freyr Alexandersson og Bjarki Már Ólafsson eru líklegir til þess að stýra Al-Arabi í næstu leikjum.

Liðið hefur verið á góðu skriði síðustu vikur en eftir erfiða byrjun í deildinni hefur liðið náð vopnum sínum.

Næsti leikur Al-Arabi er á mánudag er liðið mætir besta liði deildarinnar, Al Sadd þar sem Xavi heldur um stjórnartaumana.