Björgólfur Thor Björgólfsson fjárfestir var á meðal þeirra fjölmörgu sem viðstaddir voru minningarathöfn Lemmy Kilmister, söngvara rokksveitarinnar Motorhead, sem lést eftir langvinn veikindi eftir jólin. Mynd af Björgólfi í minningarathöfninni birtist meðal annars á vef tímaritsins Vice. Myndin er númer níu í slóðinni hér að framan.

Í umfjöllun Vice kemur fram að aðdáendur, vinir og ættingjar Lemmy hafi verið vistaddir minningarathöfnina sem fram fór í Los Angeles, en á myndinni sést Björgólfur með blómvönd í fanginu.

DV hafði samband við Ragnhildi Sverrisdóttur, talskonu Björgólfs, sem einnig hafði séð myndina en hún hafði ekki frekari upplýsingar um málið. Þess má geta að í bók Björgólfs, Billions to Bust and Back, er tilvísun í eitt þekktasta lag Motorhead, Ace of Spades. Gefur það til kynna að Björgólfur hafi verið dyggur aðdáandi sveitarinnar.