Tottenham vann góðan 0-1 sigur á Burnley í ensku úrvalsdeildinni í gær. Leikið var á Turf Moor í Burnley. Jóhann Berg Guðmundsson var í byrjunarliði Burnley og lék 84. mínútur. Það var Heung-Min Son sem skoraði eina mark leiksins. Það kom á 76. mínútu eftir stoðsendingu frá Harry Kane, hans áttunda stoðsending á tímabilinu.
Sigurinn færir Tottenham upp í 5. sæti deildarinnar, liðið er með 11 stig eftir 6 leiki. Burnley er í 18. sæti með 1 stig og er enn í leit að sínum fyrsta sigri á tímabilinu.
Jose Mourinho stjóri Tottenham var léttur í lund eftir leik og ákvað að fanga stemminguna í klefa Tottenham eftir leik, þar voru allir leikmenn liðsins að stara á símann sinn.
„Eftir frábæran sigur og erfiðan leik… Tímana tákn, vel gert strákar,“ skrifar Mourinho við mynd á Instagram þar sem leikmennirnir eru fastir í símanum frekar en að fagna sigri.
Myndin er hér að neðan.
View this post on Instagram
After a great victory in a really hard match… Sign of the times 📱📱 Well done boys #COYS
