Lee Duffy, leikmaður í írska fótboltanum greindist með kórónuveiruna á dögunum og varð hann mikið veikur.

Þessi 28 ára framherji varð mikið veikur og þurfti að vera í öndunarvél í átta daga.

,,Eins og margir vita, þá fékk ég COVID-19 veiruna fyrir tveimur vikum,“ sagði Duffy á samfélagsmiðlum.

,,Ég var í átta daga á sjúkrahúsi og alltaf í öndunarvél, ég gat ekki lengur andað einn.“

,,Ég var hræddur og vissi ekki hvað myndi gerast, ég komst í gegnum þetta og líður miklu betur núna.“

,,Mitt ráð til ykkar er að taka þessu mjög alvarlega, þetta er mjög skæður sjúkdómur.“