Kóríander hefur verið umtalað í mörg ár en fólk er upp til hópa afar ósammála um ágæti þess. Sumir fá bara ekki nóg af jurtinni á meðan aðrir fyllast andköfum þegar það birtist á matardisknum og tengja bragð jurtarinnar við bragð af sápu.
„Ósammála. Kóríander hefur gert matinn minn bragðmeiri,“ segir einn notandi í athugasemd við tíst Elísabetar. „Forréttindi að finna ekki sápubragð,“ segir Elísabet þá og fær svar við því frá öðrum notanda sem segir þetta vera einu forréttindin sem hann nýtur til fulls án þess að blikna.
Lengi vel velti fólk því fyrir sér af hverju einhverjir finna þetta sápubragð af kóríanderi en rannsóknir hafa sýnt fram á að ástæðan er erfðafræðilegs eðlis. Andúðin á kóríander bragðinu er því ekki bara einföld og barnaleg matvendni.
Haukur nokkur veit af þessari erfðafræðilegu tengingu og spyr því „sápubragðsgenhafana“ hvort þeir finni sápubragð af bæði kóríanderdufti (muldum fræum) og af laufunum. „Hef ekki lagt í neitt duft af þessari jurt satans en það er laufið sem fokkar mér upp persónulega,“ segir Elísabet við því. „Mjög ólíkt bragð af þessu tvennu,“ segir Haukur þá en hann er mjög forvitinn um málið. „Hef aldrei fengið neinn til að staðfesta að duftið sé svona líka.“
Margir íslendinga hafa rætt þetta á Twitter í kjölfar tísts Elísabetar en ljóst er að fólk sundrast og skiptist í fylkingar yfir þessu máli. Andri nokkur tekur þetta prýðisvel saman með tísti sínu um málið. „Þetta tíst er byrjun á heimsendanum,“ sagði Andri.
Hvað segja lesendur? Er kóríander jurt satans eða er hún frábær á bragðið?
