Steinþór Hróar Steinþórsson leikari- og fjölmiðlamaður tilkynnti nú fyrir skömmu að von væri á erfingja en kærasta hans, Sigrún Sigurðardóttir, snyrti- og förðunarfræðingur ber barn undir belti. Fyrir á parið dótturina Ronju Nótt fimm ára en við fæðingu hennar sagðist Steindi vera á barmi taugaáfalls.
Eitthvað hefur föðurhlutverkið þó vanist vel því Ronja verður senn stóra systir. Þau Steindi og Sigrún hafa verið saman í rúm ellefu ár en á tíu ára sambandsafmæli þeirra í fyrra skrifaði Steindi þessa færslu á Instagram-reikning sinn.
„Á 10 àra sambandsafmæli með þessum töffara í dag. Við kynntumst þegar við vorum að vinna saman í Lágafellslaug í Mosfellsbæ, ég man að allt í einu varð gaman að vakna kl 06 á morgnanna og mæta í vinnuna. Það er ekki létt að þrauka með manni með 300 kvilla, ADHD á háu stigi og alltaf á yfirsnúning. Hún er kletturinn minn i einu og öllu. It’s been one hell of a ride, hlakka til að sjá hvað við bröllum saman næstu 10 ár.”
https://www.instagram.com/p/B5KmPM8h-8O/?utm_source=ig_embed
Fókus óskar fjölskyldunni að sjálfsögðu til hamingju með fjölgunina.
