Þau Hjörtur og Greta Engilberts hanna gullfallegar gjafavörur, töskur, slæður, kerti, sérvíettur, tækifæriskort og margt fleira undir hönnunarmerkinu Engilberts hönnun. „Greta er dótturdóttir listamannsins Jóns Engilberts og langaði okkur að koma list hans á framfæri við almenning með gjafavörum og fleiru með áprentuðum teikningum og málverkum eftir hann, en Jón er einn ástsælasti listamaður þjóðarinnar. Okkur langaði að halda nafni Jóns á lofti og kynna list hans utan listasafnanna. Með þessum hætti eru verk hans ávallt sýnileg en ekki eingöngu þegar verkin eru í sýningu á listasöfnunum,“ segir Hjörtur Sólrúnarson.

Hver var Jón Engilberts?

Listamaðurinn Jón Engilberts (1908–1972) var og er þekktur fyrir einstaklega djarfan en jafnframt fallegan stíl. Í grein Jóns Özurar Snorrasonar um listamanninn segir að verkin einkennist af sterku og andstæðuríku litrófi í anda fígúratífs expressjónisma. Jón var  brautryðjandi í grafíklist hér á landi og einn stofnenda Íslenskrar grafíkur árið 1954. Verk hans eru þó unnin í afar fjölbreytta miðla og meðal annars eru til eftir hann vatnslitaverk, dúk- og tréristur, málverk, blýants- og blekteikningar og margt fleira.

Jón hafði fulla trú á grafíklistinni og taldi hana henta betur en önnur listform til árangurs, þar sem hún byggi yfir tjáningarformi ádeilunnar ásamt því að vera seld á viðráðanlegu verði. En þessi hugmyndafræði Jóns er einmitt það sem Greta og Hjörtur vilja halda á lofti með vörulínu sinni, Engilberts hönnun. „Það er einfaldlega stefna hjá okkur að bjóða íslenska hönnun á þannig verði að sem flestir geti haft efni á henni,“ segja þau Greta og Hjörtur.

Fallegar og menningarlegar jólagjafir

Greta og Hjörtur stofnuðu Engilberts hönnun árið 2015 og nú eftir tveggja ára pásu hafa þau hannað glænýjar vörur og opnað glæsilega netverslun engilberts-honnun.is/netverslun þar sem gafavörurnar eru nú fáanlegar. Einnig eiga þau upplag af grafíkverkum eftir Jón Engilberts og verða verkin seld í gegnum netverslunina. Vörurnar frá Engilberts hönnun eru fullkomnar í jólapakkann enda ákaflega fallegar, menningarlegar og skemmtilega öðruvísi.

Nýjar vörur á markaði netverslana

Engilberts hönnun var með bás á Pop-up markaði netverslana í Víkingsheimilinu síðusti helgi, 9.–10. nóvember. „Næstu verðum við með bás á markaði í Laugardalshöll fyrstu helgina í desember. Þeir sem eru spenntir að fylgjast með er bent á Facebook-síðuna okkar, Engilberts-hönnun ehf. Þar má fylgjast með því sem er í gangi hverju sinni hjá Engilberts hönnun.“