Þær Ragna Sigurðardóttir og Ellen Jacqueline Calmon, varaborgarfulltrúar Samfylkingarinnar, sem tóku sæti í borgarstjórn þegar þær Guðrún Ögmundsdóttir og Kristín Soffía Jónsdóttir fóru í veikindaleyfi annarsvegar og barnsburðarfrí hinsvegar, hafa báðar beðist lausnar frá störfum sínum tímabundið.

Ragna ber við óhæfilegu álagi vegna náms og Ellen er önnum kafin vegna annarrar vinnu.  Fréttablaðið greinir frá.

Samkvæmt 30. grein sveitarstjórnarlaga gefst borgarfulltrúum færi á að biðjast lausnar:

Telji sveitarstjórnarmaður sig ekki geta gegnt skyldum í sveitarstjórn án óhæfilegs álags, svo sem vegna veikinda eða annarrar vinnu, getur sveitarstjórn létt af honum störfum eða veitt honum lausn úr sveitarstjórn, að hans ósk, um tiltekinn fyrir fram ákveðinn tíma eða til loka kjörtímabils.

Sæti þeirra Rögnu og Ellenar taka þau Aron Leví Beck og Dóra Magnúsdóttir.