Rúnar Kristinsson, þjálfari KR, var brosmildur í kvöld er liðið fagnaði Íslandsmeistaratitlinum á Hlíðarenda.
KR er einfaldlega besta lið deildarinnar þetta tímabilið og tryggði sér titilinn með 1-0 sigri á Val.
,,Við erum mjög þéttir varnarlega og eins og í dag pressum við út um allan völl og við höfum gert það vel,“ sagði Rúnar.
,,Þó að við séum lyfta liðinu upp í hápressu erum við ekki að fá mörg mörk á okkur og það hefur reynst okkur vel.“
,,Þeir ná sjaldan að spila sig úr pressunni og lenda í vandræðum. Mér fannst við vinna sannfærandi í dag.“
Skúli Jón Friðgeirsson er hættur í fótbolta vegna náms og mun Rúnar sakna hans í liðinu.
,,Ég ræddi við Skúla sem var mikið meiddur í sumar og svo kemur hann til baka þegar Arnþór Ingi meiddist.“
,,Ég hendi honum á miðjuna og segi við hann: ‘þú verður að koma þér í toppstand, þú ert að fara spila hérna þar sem eftir er tímabils. Þú ætlar að landa titlinum fyrir okkur þannig þú getir endað þetta eins og maður.’
Nánar er rætt við Rúnar hér fyrir neðan.