Wayne Rooney, leikmaður DC United, er óánægður með þau laun sem bandarískir leikmenn fá.

Rooney hefur undanfarið ár spilað í Bandaríkjunum en DC United leikur í MLS-deildinni sem er efsta deildin þar í landi.

Rooney fær eflaust mjög vel borgað fyrir sína þjónustu enda fyrrum leikmaður enska landsliðsins og Manchester United.

Aðrir leikmenn fá þó ekki sama launapakka og þá sérstaklega leikmenn sem eru uppaldir í Bandaríkjunum.

,,Ég trúi því að bandarískir leikmenn sérstaklega fái ekki nógu vel borgað,“ sagði Rooney.

,,Þeir eiga skilið að fá betur borgað til að vera í takt við íþróttina í öðrum löndum og einnig aðrar íþróttir Bandaríkjanna.“