Daniel Farke, stjóri Norwich, var að vonum sáttur í gær er hans menn unnu Manchester City.
Norwich kom mörgum á óvart og vann Englandsmeistarana 3-2 á heimavelli.
Farke lofar því þó að taka því rólega eftir sigurinn og vill bara komast í sófann og fá kökusneið.
,,Þetta var erfið vika og ég verð ánægður þegar ég kemst aftur heim í sófann. Ég er of gamall og þreyttur til að fagna,“ sagði Farke.
,,Þetta verður seint kvöld fyrir mig en vonandi á sunnudaginn þá get ég fengið mér sæti á sófanum og kökusneið. Þannig fagna ég.“
