Marc Andre Ter Stegen, markvörður Barcelona, vonar að Philippe Coutinho skemmti sér í Þýskalandi.

Coutinho var lánaður til Bayern í sumar en félagið getur svo keypt hann á 120 milljónir evra á næsta ári.

Það gekk erfiðlega hjá Coutinho á Nou Camp eftir að hafa komið frá Liverpool í fyrra.

,,Ég vona bara að hann skemmti sér. Hann er ekki bara frábær fótboltamaður heldur betri manneskja,“ sagði Ter Stegen.

,,Það var ekki alltaf auðvelt fyrir hann hjá Barcelona og ég vona að hann geti notið fótboltans á ný og að honum líði þægilega hjá Bayern.“

,,Það þarf ekki að segja mikið um hans gæði því hann er frábær fengur fyrir Bundesliguna.“