Liverpool 2-2 Chelsea (Liverpool 7-6 í vítaspyrnukeppni)
0-1 Olivier Giroud(36′)
1-1 Sadio Mane(49′)
2-1 Sadio Mane(95′)
2-2 Jorginho(víti, 101′)

Það fór fram frábær leikur í kvöld er Liverpool og Chelsea áttust við í Ofurbikar Evrópu.

Það var leikið á heimavelli Besiktas í Tyrklandi og vantaði alls ekki upp á fjörið í leik kvöldsins.

Chelsea komst yfir í fyrri hálfleik er Olivier Giroud skoraði fínt mark eftir sendingu frá Christian Pulisic.

Sadio Mane jafnaði metin fyrir Liverpool snemma í seinni hálfleik eftir sendingu Roberto Firmino.

Staðan var jöfn eftir 90 mínúturnar og í framlengingunni skoraði Mane svo sitt annað mark og kom þeim rauðu yfir.

Chelsea jafnaði svo af vítapunktinum en Jorginho skoraði þar örugglega eftir að brotið hafði verið á Tammy Abraham.

Úrslitin þurftu að ráðast í vítaspyrnukeppni og þar klúðraði Tammy Abraham einu spyrnunni og vann Liverpool hana, 5-4.