Fyrsta umferð ensku úrvalsdeildarinnar fór fram um helgina en Liverpool byrjaði á því að leika sér að Norwich. Englandsmeistarar, Manchester City pökkuðu West Ham saman á útivelli.

Jóhann Berg Guðmundsson var á skotskónum í sigri Burnley á Southampton og Gylfi Þór Sigurðsson byrjaði er Everton sótti stig til Crystal Palace. Arsenal vann fínan útisigur á Newcastle og Manchester United vann öruggan 4-0 sigur á Chelsea.

Jose Mourinho var sérfræðingur hjá Sky Sports yfir leik United og Chelsea, hann hrósaði Harry Maguire mikið. Maguire lék þá sinn fyrsta leik með United en Mourinho vildi fá hann til félagsins fyrir ári, þegar hann var stjóri.

,,Maguire var besti maður vallarins, hann var eins og grjót,“ sagði Mourinho sem var rekinn frá United í desember, á síðasta ári.

,,Þú getur spilað mjög vel fram á við en ef þú heldur að það séu alltaf mistök að koma, þá tekur það sjálfstraust. Ef þú trúir því að að vörnin haldi þá gefur það sjálfstraust.“

,,Lindelöf getur orðið frábær leikmaður, með Maguire geta þeir orðið eitrað teymi.“