Zinedine Zidane, stjóri Real Madrid, hefur tjáð sig um vængmanninn Gareth Bale í annað skiptið.

Zidane gaf það út um helgina að Bale væri til sölu og að hann væri ekki inni í myndinni hjá Real.

Þetta sagði Zidane eftir leik gegn Bayern Munchen þar sem vængmaðurinn tók engan þátt í 3-1 tapi.

Nú hefur Zidane tjáð sig enn frekar og segir að Bale hafi ekki viljað taka þátt í verkefni helgarinnar.

,,Ég hef ekki sýnt neinum vanvirðingu, sérstaklega leikmanninum því ég hef alltaf sagt það sama,“ sagði Zidane.

,,Ég sagði að félagið væri að reyna að losna við hann, punktur. Gareth spilaði ekki því hann vildi ekki spila.“

,,Hann sagði að félagið væri að reyna að losna við hann og vildi þess vegna ekki spila.“