Það eru margir spenntir fyrir tölvuleiknum FIFA en hann er gefinn út í september á hverju ári.
Eitt vinsælasta lið leiksins er lið Juventus en margir frábærir leikmenn eru á mála hjá Ítalíumeisturunum.
Það verður hins vegar ekki hægt að spila ‘Juventus’ í FIFA 20 heldur lið sem kallast Piemonte Calcio.
Juventus hefur náð samkomulagi við fyrirtækið Konami sem gefur út tölvuleikinn Pro Evolution Soccer.
FIFA fær því ekki leyfi til að nota nafn Juventus og verður merki félagsins öðruvísi.
Cristiano Ronaldo hefur lengi verið einn besti leikmaður leiksins en hann gerði einnig samning við japanska fyrirtækið.
