Það getur verið freistandi að nota opin og þráðlaus netsambönd þar sem þau eru í boði. Þetta getur komið sér vel í útlöndum ef búið er að nota mikið af því gagnamagni sem er innifalið í símaáskriftinni. En það er vissara að fara varlega í að tengja tækin sín við slík netsambönd því þau geta einfaldlega verið gildra sem tölvuþrjótar standa á bak við til að geta komist yfir upplýsingar úr símanum þínum.

Það er sérstaklega mikilvægt að hafa þetta í huga á kaffihúsum og veitingastöðum og svæðum þar sem má eiginlega reikna með að ekki sé aðgangur að neti.

Tölvuþrjótar koma stundum upp sínu eigin neti nærri fjölförnum stöðum og gefa því svipað nafn og er notað á þekktum stað í nágrenninu, til dæmis á hóteli. En á þessum þráðlausu netum tölvuþrjótanna þarf að gefa upp ákveðnar upplýsingar til að geta tengst því en það er auðvitað allt gert í því skyni að komast yfir aðgangsupplýsingar fólks.

Dæmi eru um að slík netsambönd hafi verið notuð til að stela aðgangsorðum að tölvupósti fólks eða öðru sem á að halda leynilegu.