Kári Árnason hefur skrifað undir hjá uppeldisfélagi sínu, Víkingi Reykjavík. Fréttir þess efnis voru staðfestar á fréttamannafundi í dag. Samningurinn er út tímabilið 2020.
Kári æfði með Víkingi í gær og hefur náð samkomulagi við félagið um kaup og kjör. Kári yfirgaf Víking árið 2004, hann hefur síðan þá leikið í atvinnumennsku.
Síðasta árið lék Kári með Genclerbirligi í Tyrklandi en fyrir ári síðan ætlaði hann að ganga í raðir Víkings. Góð frammistaða á HM, varð hins vegar til þess að Kári lék áfram erlendis.
Kári verður 37 ára gamall, síðar á þessu ári. Heimkoma hans er hvalreki fyrir Víking og Pepsi Max-deildina.
Kári hefur átt farsælan feril í atvinnumennsku en hann lék í Skotlandi, Englands, Svíþjóð, Kýpur og nú Tyrklandi.
Kári hefur einnig verið einn besti leikmaður íslenska landsliðsins síðustu ár en hann á að baki 77 A-landsleiki. Hann var frábær í sigrum liðsins á Albaníu og Tyrklandi, fyrr í þessum mánuði.
