Manchester City hafnar því að Pep Guardiola sé að taka við Juventus eins og ítalskir fjölmiðlar hafa sagt. Ítalska fréttasíðan AGI hélt því fram í dag að Pep Guardiola myndi taka við Juventus í júní.

AGI segir að Guardiola muni skrifa undir hjá Juventus 4 júní, hann verði svo kynntur til leiks tíu dögum síðar. Þessi tíðindi kæmu á óvart enda var Guardiola að klára sitt þriðja tímabil með Manchester City, og vann hann alla titlana á Englandi.

Max Allegri er hættur með Juventus en hvorugt félagið hefur tjáð sig, Guardiola hefur þjálfað City í þrjú ár.

,,Ég var hissa sem stjórnarmaður hjá City að lesa þessar svakalegu sögur, hann er okkar þjálfari, hann vill vera áfram hérna. Hann getur ekki skilið að þessar sögur séu í gangi, þetta er lygi,“ segir Alberto Galassi, starfsmaður City.

,,Það sem kemur fyrst er að Juventus væri búið að ræða við okkur þegar nokkrir dagar eru í tilkynningu, þetta er algjört bull.“

,,Ég spjallaði við Pavel Nedved hjá Juventus, við brostum yfir þessu. Því miður fyrir Juventus, þá er félagið ekki að fá hann. Guardiola var reiður yfir þessum fréttum.“