Ólafur Ingi Skúlason, leikmaður Fylkis hjólaði í Helga Mikael Jónasson, dómarinn í leik KR og Fylkis í gær. Þetta gerði hann á Stöð2Sport.

Leiknum lauk með 1-1 jafntefli en Helgi flautaði mikið í leiknum, lítið flæði komst í spilið.

„Mér fannst dómarinn hræðilega slakur í dag og það á bæði lið. Mér fannst hann missa tökin á þessu,“ sagði Ólafur Ingi við Stöð2Sport eftir leikinn í Pepsi Max-deildinni.

Þetta er ekki fyrsti leikurinn sem Helgi dæmir hjá liðunum í ár.

„Hann dæmdi tvo leiki hjá þessum liðum í Reykjavíkurmótinu og hafði engin tök á leiknum. Ég skil því ekki hvað hið ágæta fólk hjá KSÍ er að gera með því að setja hann á þennan leik. Hann dæmdi illa á bæði lið og það hafði ekki áhrif á úrslitin.“

Viðtalið er hér að neðan.