FH vann sigur í Pepsi Max-deild karla í kvöld er liðið mætti KA í hörkuleik á Kaplakrikavelli.

Halldór Orri Björnsson var í stuði fyrir lið FH sem vann 3-2 sigur og gerði tvö mörk fyrir heimamenn.

Hér má sjá það góða og slæma úr leiknum.

Plús

Halldór Orri Björnsson er að troða sokk í þá gagnrýni sem hann hefur mátt þola síðustu ár, flestir töldu að hann færi frá FH í vetur. Vildi sanna sig, æfði vel og er að uppskera.

Sóknarleikur KA er mjög háður því að Hallgrímur Mar sýni töfra sína. Frábært mark en honum vantar meiri hjálp.

Vítaspyrna Björns Daníels, hún var eins örugg og þær verða. Alvöru dæmi.

Mínus

FH vantar alvöru framerja, einhvern sem heldur bolta og gerir öðrum leikmönnum kleift að koma upp völlinn. Nafn Kristjáns Flóka er eitthvað sem mætti skoða og reyna.

Það verður fróðlegt að sjá marga af dómum Einars Inga Jóhannssonar í Pepsi Max-mörkunum. Margt skrýtið

Sigur FH var verðskuldaður, stærri hluta leiksins voru þeir betri. Þeir verða hins vegar að stýra leikjum betur í 90 mínútur

Hrun KA eftir að liðið komst yfir var áhugavert, leikur liðsins hrundi eins og spilaborg.