Liverpool er komið í úrslitaleik Meistaradeildarinnar eftir ótrúlegan leik við lið Barcelona í gær. Leikið var á Anfield en fyrri leiknum lauk með 3-0 sigri Börsunga og var liðið því í frábærri stöðu fyrir leik kvöldsins.
Eitt mark var skorað í fyrri hálfleik í Liverpool en það gerði Belginn Divock Origi fyrir heimamenn á sjöundu mínútu. Í seinni hálfleik fór allt í gang hjá Liverpool og sérstaklega eftir innkomu Georginio Wijnaldum. Wijnaldum skoraði annað mark Liverpool á 54. mínútu með fínu skoti og svo annað stuttu seinna með frábærum skalla. Það var svo Origi sem sá um að tryggja Liverpool áfram en hann skoraði fjórða mark liðsins eftir hornspyrnu.
Stuðningsmenn Liverpool út um allan heim misstu sig í gleðinni í gær eftir að leiknum lauk. Eðlilega, flestir töldu þetta ómögulegt. Börsungar með frábært forskot og Mo Salah og Roberto Firmino ekki með.
Það hafði enginn áhrif, Gary Neville, fyrrum fyrirliða Manchester United. Ætlar ekki að láta ná í sig næstu daga. Honum er fremur illa við að sjá Liverpool ná árangri.
Hann ráðleggur þeim sem vilja sömu fótspor og hann, að setja síma sinn á „airplane mode“ svo að ekki sé hægt að ná í sig. ,,Leiðbeiningar fylgja,“ skrifaði Neville og birti myndina hér að neðan.
