Liverpool er komið í úrslitaleik Meistaradeildarinnar eftir ótrúlegan leik við lið Barcelona í gær. Leikið var á Anfield en fyrri leiknum lauk með 3-0 sigri Börsunga og var liðið því í frábærri stöðu fyrir leik kvöldsins.

Eitt mark var skorað í fyrri hálfleik í Liverpool en það gerði Belginn Divock Origi fyrir heimamenn á sjöundu mínútu. Í seinni hálfleik fór allt í gang hjá Liverpool og sérstaklega eftir innkomu Georginio Wijnaldum. Wijnaldum skoraði annað mark Liverpool á 54. mínútu með fínu skoti og svo annað stuttu seinna með frábærum skalla.

Það var svo Origi sem sá um að tryggja Liverpool áfram en hann skoraði fjórða mark liðsins eftir hornspyrnu.

Lionel Messi, stjarna Börsunga var í sárum eftir leik, eðlilega. Til að bæta gráu ofan á svart, var hann kallaður í lyfjapróf eftir leik.

Messi átti í vandræðum með að pissa, það getur tekið tíma eftir svona átök. Liðrsúta Barcelona, ákvað því að fara á undan sinni skærustu stjörnu. Liðið flaug beint heim eftir leik.

Messi var því eftir á Anfield en var skutlað út á flugvöll þegar hann hafði náð að míga í glasi, fræga.