Ef marka má ensk blöð hefur Matthijs de Ligt, varnarmaður Ajax hafnað því að ganga í raðir Manchester United.
De Ligt er 19 ára fyrirliði Ajax og er einn efnilegasti varnarmaður í heimi, hann er sagður ætla að bíða eftir öðru tilboði.
United var tilbúið að borga 60 milljónir punda fyrir De Ligt og borga honum svakaleg laun. Mino Raiola, umboðsmaður hans ku hafa hafnað því.
Þá er sagt að Paul Pogba, miðjumaður United ætli sér burt í sumar. Hann telur félagið ekki hafa bætt sig eins og var lofað, þegar hann snéri aftur árið 2016.
Pogba ætlar samkvæmt ESPN að vera með leiðindi ef United vill ekki selja hann, til að komast burt.
