Joey Barton, stjóri Fleeetwood Town, var stöðvaður af lögreglunni í gær eftir leik gegn Barnsley í þriðju deild Englands.

Barton var á heimleið er lögreglan stoppaði bifreið hans og bað hann vinsamlegast um að koma og ræða málin.

Barton er ásakaður um að hafa ráðist á Daniel Stendel, stjóra Barnsley, í leikmannagöngunum eftir leik.

Vitni hefur nú tjáð sig um þessa árás og segir að Barton hafi fyrst skallað Stendel og kýldi hann svo áður en hann gekk burt.

Vitnið segir að Barton hafi brotið tvær tennur í Stendel en Barnsley hafði að lokum betur í leiknum 4-2.

Ef þetta reynist satt er Barton á leið í langt bann frá fótbolta og gæti átt yfir höfði sér ákæru.

Barton átti það til að missa stjórn á skapi sínu sem leikmaður og virðist enn vera í miklum erfiðleikum með að hemja sig.

,,Hinn þjálfarinn kallaði hann fávita og Barton svaraði með því að skalla og kýla hann og setti svo hendurnar í kringum hálsinn á honum,“ segir vitnið.

,,Það gat enginn trúað því sem var í gangi.“