Fótboltakappinn Tryggvi Hrafn Haraldsson er með áritaða Halmstad treyju á lottó uppboði til styrktar Minningarsjóð Einars Darra. 

Tryggvi Hrafn Haraldsson er 22 ára og uppalinn hjá ÍA. Hann skoraði fimm mörk í þrettán leikjum í Pepsi-deildinni sumarið 2017, en Halmstad keypti hann um mitt sumar. Hann skoraði þrjú mörk í 27 leikjum með félaginu. Í janúar á þessu ári gekk Tryggvi Hrafn aftur til liðs við ÍA.

Þú átt möguleika á að vinna treyjuna hans með því að kaupa miða á 1.000 kr. í lottóuppboði á heimasíðu CharityShirts.

Vinningshafi verður dreginn út í dag kl. 19 í beinni útsendingu á Facebook-síðu CharityShirts.

Allur ágóði rennur til Minningarsjóðs Einars Darra.

Um CharityShirts

Sturlaugur Haraldsson og Ivan Elí Du Teitsson standa að vefsíðunni CharityShirts.is þar sem fótboltamenn gefa eigin treyjur til styrktar góðu málefni. Ein treyja er í boði í einu, viðkomandi leikmaður velur sér góðgerðarfélag og rennur allur ágóði til þess félags.

Samtals hefur CharityShirts og leikmenn safnað 1.025.000 til góðgerðamála. Tryggvi Hrafn er þrettándi leikmaðurinn, en sá sem hæstri upphæð hefur safnað til þessa er landsliðsmaðurinn Rúrik Gíslason, sem valdi Konukot sem sitt góðgerðarfélag.

„Þetta fer þannig fram að viðkomandi leikmaður velur sér góðgerðarfélag og rennur allur ágóði af hans treyju til þess félags,“ segir Sturlaugur. „Nýr leikur byrjar annað hvert mánudagskvöld og stendur í tvær vikur, og er dregið á Facebook „live“ klukkan 19 annan hvern mánudag. Þeir sem vilja eignast treyjuna kaupa lottómiða, einn miði kostar 1.000 kr. og fær viðkomandi tölvupóst með sínu lukkunúmeri/um.“

Fylgjast má með CharityShirts bæði á heimasíðu og Facebook-síðu þeirra.