Frumkvöðullinn og fyrirlesarinn Alda Karen Hjaltalín er byrjuð að stinga saman nefjum með förðunar- og félagsráðgjafnum Ástrós Erlu Benediktsdóttur.

Sambandið er nýtt af nálinni en turtildúfurnar hafa spókað sig saman í New York að undanförnu, þar sem Alda Karen er búsett, og meðal annars tekið þátt í tískuvikunni í New York og hátíðarhöldum til að fagna kínverska nýárinu.

https://www.instagram.com/p/Bt_u0KgAgiX/

Öldu Kareni þarf vart að kynna en hún hefur náð ótrúlegum árangri þrátt fyrir ungan aldur. Er hún helst þekkt fyrir fyrirlestra sína þar sem hún gefur fólki svokallaða lífslykla til að hjálpa því að verða besta útgáfan af sjálfu sér. Alda Karen vekur sífellt meiri athygli erlendis og er til dæmis einn af þremur fyrirlesurum á viðburðinum Spartan X Leadership í Queens í New York þann 12. apríl næstkomandi, þar sem forsvarsmenn fyrirtækja á borð við Amazon, Google og JP Morgan leita sér leiðtogaþjálfunar.

Ástrós Erla hefur einnig notið velgengni í sínu starfi sem förðunarfræðingur og var ekki gömul þegar hún tók við starfi skólastjóra í NN MakeUp School. Eftir það sneri hún sér að hinum ýmsu verkefnum og hefur í gegnum árin unnið mikið í tískuheiminum, auglýsingum, tónlistarmyndböndum og kvikmyndum bæði hér heima og erlendis.