Madonna var sérstakur gestur spjallþáttastjórnandans James Corden í vikunni en í þættinum hans The Late Late Show fer Corden með heimsþekktar stjörnur í bíltúr, syngur með þeim í bílnum og reynir að lokka þær á trúnó.

Madonna sló heldur betur í gegn í innslaginu. Á milli þess sem hún söng mörg af sínum þekktustu lögum tjáði hún Corden að það sem skipti mestu máli þegar kemur að því að velja sér maka sé að viðkomandi sé fyndinn og með góðan húmor.

Þá játaði hún að hafa farið í sleik við Michael Jackson. Hún viðurkenndi sömuleiðis að hafa átt frumkvæðið þar sem Jackson hefði verið mjög feiminn. Henni hafi þó tekist að láta hann slaka á með því að gefa honum hvítvín.

Hér má sjá þetta stórskemmtilega innslag.

[youtube https://www.youtube.com/watch?v=Sx2PfL2ekTY&w=560&h=315]