Andreas Christensen varnarmaður Chelsea er kominn í svörtu bókina hans Maurizio Sarri hjá félaginu.

Christensen var ónotaður varamaður i tapi gegn Arsenal um helgina, hann var óhress með það.

Þegar fimmtán mínútur voru eftir af leiknum sagðist Christensen ætla að skreppa á klósettið. Hann yfirgaf varamannabekkinn.

Hann kom hins vegar ekkert aftur, Christensen sat bara inni í klefa og beið eftir að leiknum lauk.

Danski varnarmaðurinn spilaði nokkuð stórt hlutverk á síðustu leiktíð en Sarri hefur litla trú á honum.

Sarri las yfir honum eftir leik og var ósáttur með það hvernig hann hagaði sér.