Breski sjónvarpskokkurinn Tom Kerridge kveikti í internetinu þegar hann hélt því fram í matreiðsluþætti sínum að það væri rétt leið og röng leið til að nota álpappír.
Í þættinum pakkaði hann eldföstu móti með fisk í inn í álpappír en varaði fólk við að nota álpappírinn vitlaust.
„Það eru tvær hliðar á álpappír. Það er hliðin sem er skínandi og hliðin sem er mött,“ segir hann í meðfylgjandi myndbandi og bætir við að rétta leiðin sé að láta skínandi hliðina snúa niður og að matnum.
„Munið alltaf að óspennandi hliðin snýr upp, skínandi niður,“ segir hann en ástæða þess að hann heldur þessu fram er ansi rökrétt.
„Skínandi hliðin endurkastar eins miklum hita og mögulegt er þannig að maturinn eldast betur.“
Notendur samfélagsmiðla urðu furðu lostnir við þessar upplýsingar og virðist vera að flest okkar hafi verið að nota álpappír vitlaust í öll þessi ár – allavega að mati Toms.