Jólin eru greinilega tími ástarinnar og mörg pör nota hátíðina til að staðfesta samband sitt með trúlofun, giftingu, já, eða bara með því að opinbera sambandið á samfélagsmiðlum.

Athafnakonan og fyrrverandi alheimsfegurðardrottningin Linda Pétursdóttir hélt upp á afmæli sitt milli jóla og nýárs í Palm Springs í Kaliforníu en þar hefur hún búið síðustu ár. Í haust tók Linda við stjórn Miss World á Íslandi og á það vel við þar sem í lok árs eru 30 ár síðan Linda var sjálf valin Ungfrú heimur. Hún var jafnframt dómari í keppninni sem fram fór í byrjun desember í Kína.

Linda er einnig komin með nýjan mann í líf sitt, en þau hafa hist um skeið. Parið er nú skráð saman í samband á Facebook. Kærasti Lindu heitir Jamie Greig og er frá Kanada.

Linda er með vefsíðu undir eigin nafni lindap.is.  Á vefsíðunni má skrá sig á póstlista og sendir Linda reglulega út góð ráð sem nýta má sér í dagsins amstri.