Stórblaðið Financial Times velur George Soros sem mann ársins. Það er afskaplega vel til fundið. Fáir hafa orðið skotspónn haturs- og ófrægingarherferða eins og Soros. Þeir sem leggja mesta fæð á hann er þjóðrembulið og gyðingahatarar.
Síðast tókst Viktor Orbán í Ungverjalandi að reka hinn opna háskóla, bestu háskólastofnun landsins, burt til að ná sér niður á Soros. Þar er hann núorðið notaður sem tákn um allt sem aflaga fer.
Financial Times segir um Soros:
„Hann er merkisberi frjálslynds lýðræðis og hins opna samfélags. Þetta eru hugmyndirnar sem urðu ofan á í lok kalda stríðsins. En nú er sótt að þeim úr öllum áttum, frá Rússlandi Pútíns til Bandaríkja Trumps.“