Hér má sjá nútíma útgáfu af fæðingu Jesú, með foreldrum, vitringum, fjárhirði, dýrum og tilheyrandi.

Það voru bræðurnir Casey og Corey Wright, sem hönnuðu þessa hipster útgáfu og settu á markað árið 2016, 5.000 stykki voru framleidd og seldist settið eins og heitar lummur.

Settið er ekki lítið, 61 x 41 sm og hver fígúra er 18 sm á hæð.

„Þetta byrjaði bara sem grin yfir bjórum svona sex mánuðum áður en við settum það í sölu,“ segja bræðurnir. „Við vorum bara að ræða hvað þetta liti öðruvísi út ef fæðingin væri að eiga sér stað í dag.“
Bræðurnir eru aldir upp á kristilegu heimili og gengu í kristilegan skóla. Segja þeir að settinu sé alls ekki ætlað að varpa neinni rýrð á trú manna, heldur að gera góðlátlegt grin að samtímanum.

Aðspurður um hvort það sé eitthvað sem þeir vildu hafa með, en tókst ekki, svarar Casey, „engillinn er ekki með, við vorum að hugsa um að hafa dróna í staðinn, en það var of mikil áskorun.“

Settið er til sölu meðal annars hér á 60 dollara, sem er líklega gjöf en ekki gjald.