Söngvarinn Björgvin Halldórsson leitar nú að nýrri jólastjörnu, sem koma mun fram á jólatónleikum hans, Jólagestir Björgvins, í Eldborgarsal Hörpu dagana 20., 21 og 22. desember.

Börn, 14 ára og yngri, geta tekið þátt með því að fylla út umsókn hér og senda inn myndband af sér, þar sem þeir syngja lag að eigin vali.

Dómnefnd velur 12 söngvara úr hópnum og verða þeir boðaðir í prufur, sem munu skera úr um hver verður Jólastjarnan 2018. Sjónvarp Símans gerir sérstaka þáttaröð um allt ferlið og verða þrír þættir sýndir í lok nóvember.

Dómnefnd skipa Björgvin sjálfur, Selma Björnsdóttir, Svala Björgvinsdóttir og Jóhanna Guðrún Jónsdóttir. Stjórnandi þáttanda er Gunnar Helgason.

Arnaldur Haraldsson var Jólastjarnan í fyrra, en etta er í áttunda sinn sem Jólastjarnan er valin, en hér má sjá sigurvegara fyrri ára.