Daninn Patrick Pedersen er markakóngur Pepsi-deildar karla en þetta varð staðfest í dag.
Pedersen skoraði ekki í 4-1 sigri Vals á Keflavík í dag en sigurinn tryggði liðinu Íslandsmeistaratitilinn.
Pedersen skoraði 13 mörk fyrir Val sumarið 2015 og vann þá einnig gullskóinn.
Pedersen var duglegur að skora fyrir Valsmenn í sumar en hann gerði alls 17 mörk í 21 leik.
Það er einu marki meira en Hilmar Árni Halldórsson sem skoraði 16 mörk fyrir Stjörnuna og þar af sjö úr víti.
Pálmi Rafn Pálmason tekur þá bronsskóinn en hann gerði 11 mörk fyrir KR á tímabilinu.
Daninn Thomas Mikkelsen er fjórði markahæsti leikmaður deildarinnar en hann gerði 10 mörk í aðeins 11 leikjum.
