Gary Neville, fyrrum leikmaður Manchester United, hefur svarað erfiðri spurningu. Hvaða lið endar ofar í ensku úrvalsdeildinni á tímabilinu, Arsenal eða Tottenham?

Neville svaraði þessari spurningu í gær en hann hefur fulla trú á að Tottenham endi fyrir ofan granna sína þrátt fyrir að hafa ekki styrkt liðið í sumar.

,,Tottenham er að færa sig á nýjan völl og byrja tímabilið á mörgum útileikjum. Þeir eru svo með níu leikmenn sem komu til baka eftir keppni á HM á mánudag,“ sagði Neville.

,,Það er allt á móti þeim en það virðist ekki hafa áhrif á Mauricio Pochettino. Hann virðist sá rólegasti.“

,,Þeir hafa ekki keypt neinn í glugganum en það virðist ekki vera neinn órói vegna þess. Það er mikið sem fellur ekki með Tottenham á leiktíðinni en ef þú horfir á andann í liðinu, samheldnina og stöðugleikan þá er það allt til staðar.“

,,Þjálfarinn sér vel um sína leikmenn og þeir spila hans leik. Þess vegna held ég að Tottenham muni enda fyrir ofan Arsenal á tímabilinu.“