Fyrrverandi kærasti tónlistarmannsins George Michael segir að dauði stjörnunnar árið 2016 hafi verið sjálfsvíg og hafi þetta verið fimmta sjálfsvígstilraunin. George Michale fannst látinn í íbúð sinni á jóladag árið 2016, þá 53 ára gamall. Úrskurðað var að dauði hans hafi verið af eðlilegum orsökum.
Fyrrverandi unnusti George Michaels, hársnyrtirinn Fadi Fawaz, segir hins vegar að þetta hafi verið sjálfvíg. Fawaz segir það enga tilviljun að George Michael hafi látið lífið á afmælisdegi móður hans en hún lést árið 1997 úr krabbameini.
Talsmaður dánarbús George Michael segir að aðstandendur hans leggi ekki trúnað á þessa frásögn elskhugans.
Fjallað er um málið víða í breskum fjölmiðlum í dag, m.a. á Metro.
