Lögmaðurinn Sveinn Andri Sveinsson segir það deginum ljósara að þingmenn Framsóknarflokksins þurfi að fara á námskeið í hvernig eigi að senda tölvupóst. Ástæðan er nýjasta tölvupósthneykslið sem kom upp þegar Vigdís Hauksdóttir sendi blaðamanni Stundarinnar póst sem átti að rata til þingmannsins Páls Jóhanns Pálssonar.
Í Facebook-færslu Sveins Andra um málið lýsir hann þó þeirri skoðun sinni að ólöglegt og ósiðlegt sé að birta tölvupóst sem sé sendur af misgáningi.
