Margir íbúar Reykjavíkur kvarta undan bílastæðaleysi í borginni og hefur umræðan oft orðið hávær um að yfirvöld þurfi að fara gera eitthvað í því að leysa það vandamál. Á sama tíma hefur borgin verið með þéttingarstefnu í gangi sem margir segja að sé árás á einkabílinn þar sem einmitt er sífellt verið að fækka bílastæðum til að byggja nýjar byggingar í staðinn, sem hefur svo með sér í för enþá meiri vöntun á bílastæðum. En núna hefur Suður Kóreska fyrirtækið DYPC mögulega komið með lausn á þessu vandamáli.

Fyrirtækið framleiðir það sem mætti kalla bílastæðahillur. Þessar hillur ná að nýta plássið mun betur en þekkst hefur þegar kemur að lausnum á bílastæðavandamálum í stórborgum eða þar sem plássleysi er mikið. Hillurnar geta tekið allt að 16 bíla í geymslu á sama plássi og eingöngu 2 bílar komast í stæði. Þetta þýðir að það sé 800% betri nýting á bílastæðaplássi. Ökumaður einfaldlega keyrir bílinn inn í hilluna og þegar kemur að því að sækja bílinn slær hann bara inn kóða og hillan sækir rétta bílinn fyrir hann.

Einnig hefur hillan þann eiginleika að hún er færanleg og er því hægt að færa þær til eftir því hvar álagið er mest á hverjum tíma fyrir sig, eingöngu tekur um 5 daga að setja hillunar upp. Fyrirtækið hefur nú þegar selt þessa lausn um allan heim.

Hér má sjá myndband hvernig þessi lausn virkar.