Einar Þorsteinsson, fréttamaður hjá RÚV, mátti sæta mikilli gagnrýni nýlega vegna spurningar sem hann beindi til Sönnu Magdalenu Mörtudóttur í kappræðum oddvita flokkanna í aðdraganda sveitarstjórnarkosninganna núna í lok maí. Einar sætti enn meiri gagnrýni fyrir spurningarnar sem honum láðist að beina að hinum oddvitunum. Almennt er þó mál manna að Sanna hafi staðið af sér storminn og „pakkað“ Einari fimlega saman þegar hún svaraði spurningum hans.
Þrátt fyrir að gusti um Einar af gagnrýni í vinnunni, þá siglir hann lygnan sjó í einkalífinu, en hann og samstarfskona hans á RÚV, Milla Ósk Magnúsdóttir, eru par. Hafa þau verið saman um tíma og geisla af hamingju saman.
