Aron Einar Gunnarsson miðjumaður Cardiff er afar eftirsóttur og mörg stórlið í Evrópu hafa áhuga á honum. Þetta segja ensk götublöð.

Samningur Arons verður laus í sumar og íhugar hann að fara. Sú skoðun hans gæti þó breyst ef Cardiff fer upp í ensku úrvalsdeildina.

Góðar líkur eru á því en á meðan getur Aron rætt við stórlið um alla Evrópu, Besiktas í Tyrklandi er eitt af þeim sem hefur áhuga á Aroni.

Að auki eru þrjú önnur lið í Tyrklandi sögð vilja fá fyrirliða Íslands.

AEK Aþena og Olympiakos í Grikklandi hafa einnig áhuga á að krækja í miðjumanninn frá Akureyri.

Þá er Dinamo Zagreb í Króatíu og lið í MLS deildinni í Bandaríkunum sem sýna honum áhuga.

Sagt er að félögin séu tilbúinn að greiða Aroni um 40 þúsund pund á viku.