„Þetta leggst frábærlega í mig og ég er bara mjög spenntur fyrir sumrinu og að vinna með Bjarna,“ sagði Sólon Breki Leifsson, nýjasti leikmaður Vestra á blaðamannafundi í Kópavoginum í kvöld.
Sólon skrifar undir eins árs samning við félagið og kemur hann til félagsins frá Breiðablik en hann spilaði með Vestra, seinni hluta sumarsins 2016 þar sem hann skoraði 8 mörk í 11 leikjum.
„Ég ætla mér að verða markahæstur næsta sumar og svo vonandi förum við upp úr deildinni. Núna verð ég þarna í 22 leiki og ég ætla mér að skora 20 mörk plús.“
„Það er erfitt að kveðja strákan og allt það en núna er ég að hugsa um sjálfan mig og það sem er best fyrir minn feril persónulega. Það er alltaf erfitt að kveðja mömmu og pabba en þetta verður bara góð lífsreynsla fyrir mig og gott skref fyrir mig.“
Viðtalið í heild sinni má sjá hér fyrir ofan og neðan.
