Orri Þórðarson, þjálfari FH í Pepsi-deild kvenna, var ánægður með sínar stelpur í kvöld eftir góðan 2-0 heimasigur á Fylki.
,,Mér fannst þetta bara fín frammistaða og ég held að við höfum átt þetta skilið,“ sagði Orri.
,,Við spiluðum vel varnarlega gegn Breiðablik og héldum því áfram í þessum leik en bættum því að halda boltanum betur.“
,,Við þurfum að hafa hugrekki til að halda boltanum því við erum með lið sem getur það.“
,,Ég er eiginlega búinn að gleyma hvernig mörkin voru.. Megan fyrra og svo Bryndís. Þetta voru tvö góð mörk.“
