Jurgen Klopp stjóri Liverpool segir að Jordan Henderson fyrirliði Liverpool hafi fengið erfiðasta starfið í enskum fótbolta.
Klopp hefur mikla trú á Henderson en margir stuðningsmenn Liverpool telja hann veikan hlekk.
Klopp segir að Henderson hafi fengið það hlutverk að fylla skarð Steven Gerrard, það er ekki fyrir alla
,,Jordan veit hvað mér finnst um hann og hvað Gareth Southgate finnst um hann. Það er ástæða fyrir því að hann er fyrirliði okkar, getur hann bætt sig? Já, hann er enn ungur,“ sagði Klopp.
,,Hann er frábær leikmaður, það hefur aldrei verið efi í mínum huga. Hann fékk erfiðasta starfið í fótboltanum á Englandi. Hann varð að fylla skarð Steven Gerrard.“
,,Það er ekki gott starf að fá, vonandi hugsar fólk ekki lengur um það. Hann er magnaður leikmaður.“
