„Síðan flæktist fingurinn í grindverkinu þegar ég hoppa af og puttinn varð eftir á grindverkinu,“ segir Viljar Már Hafþórsson. Hann missti baugfingur á hægri hendi þegar hann stytti sér leið inn á tjaldsvæði þar sem Secret Solstice fór fram í laugardal. Í samtali við Vísi segir Viljar Már að fingurinn hafi flækst í grindverkinu þegar hann var að hoppa niður og varð puttinn eftir. Hann fann strax til og leit á höndina og sá þá aðeins hálft bein og puttann á grindverkinu.

Við vörum viðkvæma við myndinni hér fyrir neðan

Viljar var fluttur á sjúkrahús og þar kom í ljós að ekki var hægt að græða puttann aftur á.

„Hann rifnaði allt of mikið, skinnið í tætlur og beinið brotnaði. Það var ekki hægt að festa hann aftur á,“ segir Viljar Már. Eftir að gert var að sárum hans hélt Viljar Már aftur á hina umdeildu tónlistarhátíð sem hefur verið gagnrýnt töluvert í dag á öllum stærstu miðlum landsins. Viljar Már segir í samtali við Vísi hann hafi svo farið á puttanum heim en hér má lesa viðtalið í heild sinni.