Unnu Finna í úrslitaleik, 101-72
Íslenska drengjalandsliðið í körfubolta, skipað leikmönnum 18 ára og yngri, varð Norðurlandameistari í körfubolta í dag eftir öruggan sigur á Finnum í úrslitaleik, 101-72.
KR-ingurinn Þórir Guðmundur Þorbjarnarson var stigahæstur í liði Íslands í dag með 33 stig. Hann var einnig stigahæstur þegar Ísland lagði Danmörku á mánudag.
Sannarlega frábær árangur hjá strákunum og er óhætt að segja að vikan hafi verið góð fyrir íslenskt íþróttafólk.
